Sunday, November 20, 2011

Улс төр өсвөр наснынхны нүдээр...

          
         Миний бие бакалаврын зэргийг авахын өмнөх багшлах дадлагыг 21 хоногийн хугацаанд Нийслэлийн 2-р дунд сургууль дээр хийж байгаа юм. Өнгөрсөн 7 хоногт 10-р ангийн хүүхдүүдэд "Нийгмийн тухай мэдлэг" хичээлийн хүрээнд "Улс төр гэж юу" сэдвээр хичээл заалаа. Одоогийн 10-р ангийн хүүхдүүд  дунджаар 15 настай хүүхдүүд, тэдний улс төрийн талаархи ойлголт тун сонирхолтой. Хэдий 15-хан настай ч нийгэмд буй улс төрийн талаархи сайн, муу, баяртай, бухимдалтай, зөв, буруу бүхий л ойлголт тэдэнд бий. Хичээлийн эцэст "Улс төр гэж юу вэ?" тэднээс асуун цаасан дээр хариулт авсан юм. Хариултууд нь тун сонирхолтой...
                     
           "Улс төр гэдэг нь нийгэмд тулгарч байгаа асуудлыг шийдэх тушаал гаргадаг хүмүүс. Улс төр бол ерөнхийдөө Пирамид гэсэн үг. Хөрөнгө мөнгөтэй нь дээшээ явж, ухамсар муутай нь доошоо болсон цаг. Тийм болохоор пирамид."    
                                                                                                                                           10а анги Б.И

              Улс төр нь нийгмийг бүхэлд нь удирдаж чадахуйц бүхэллэг тогтолцоо юм. Энэ тогтолцооны гол багана нь эрх мэдэл гүйлгээ ухаан юм.
                                                                                                                                           10а анги Д.А

                Улс төр гэдэг нь юуны тулд улс гэдэг нэр байгаа билээ тийм учраас улс орноо хамгаалж хөгжүүлэх дээдлэн дэвшүүлэх улс төрийн баримтлал байх ёстой. 
                                                                                                                                             10а анги Н.Ш

  
                  Улс төр гэдэг нь хүмүүсийн үйл ажиллагааг дэмжин цааш хэрэгжүүлдэг юм.
                                                                                                                                             10 анги О

                  Тодорхой улс гүрний дотоод гадаад байдал, шийдвэрлэх асуудлыг төр засаг шийдвэрлэж тодорхой эрх мэдэл, байр суурьтай хүмүүс улс төр нийгэмд байна...
                                                                                                                                             10а анги Г.Н

                   Улс төр-бодлого хуваарилалт, удирдах урлаг, энэ бүгдийг нийлүүлсэн багц юм гэж ойлголоо. 
                                                                                                                                              10а анги Э.А
                    Улс төр нь реалити шоу /шагнал: эрх мэдэл/ Энд өөрийгөө хэн хэрхэн рекламдсан нь ялах реалити шоу.
                                                                                                                                              10а анги Э.С
                       
                    Улс төр: Улсын хөгжил шалтгаална
                                 : Төрийн бодлого батлах байгууллага
                                 : Хууль батлана
                                 : Хуувилдаан зохиодог байгууллага
                                                                                                                                               10а анги Б
                   Улс төр гэдэг нь нийгмийн эрх мэдлийг хэлнэ.
                                                                                                                                                10а Ч.Т
       
                    Улс төр нь ард түмний нэгдэх нийтээрээ хамтдаа байж нэг зорилгын дагуу нэгдэж нэг санааг зорьж, дэлхий дээр байгаа бүх сайн зүйлийн дагуу хамтран явахыг хэлнэ. 
                                                                                                                                             10а өнги А.М

                   Улс төр гэдэг нь: Эх орны иргэдийнхээ төлөө....
                                                                                                                                              10а анги А.Б

                   Улс төр нь: Улс нийгмийг удирдан зохицуулах бас иргэдийн тав тухыг хангах
                                                                                                                                               10а анги Т

                  Улс төр гэдэг бол эх орны, ард иргэдийнхээ төлөө сонгогдож гарсан дээд байгууллагууд юм. 
                                                                                                                                              10а анги Б.Ж

                    Улс төр гэдэг нь тодорхой нэг хүмүүс намуудын хоорон дахь эрх мэдлийн төлөөх тэмцэл 
                                                                                                                                               10а Д.Д

                   Улс төр гэдэг нь Миний бодлоор хүмүүс болон эрх ашиг болон хувь хүний үзэл бодол юм.
                                                                                                                                              10а анги Э
  
                    Улс төр гэдэг нь хамгийн анлагч утгаараа хувь хүний үзэл бодол харин дараахь нь бусдын эрх ашиг юм. 
                                                                                                                                              10а анги Э.М

                  Улс төр гэдэг нь нийгэм дэх бүхий л асуудлууд болоод хууль, хэв журмыг зохицуулж удирдаж буй нэг төрлийн байгууллага юм. Улс төр нь олон тэмцэл, засаглалаас тогтдог.
                                                                                                                                              10а Н.Х

                 Улс төр гэдэг нь төр улсаа хэрхэн авч явах, мөн хууль гаргаж иргэд нь түүнийг даган мөрдөж байвал тэр орон хөгжинө.
                                                                                                                                             10а анги А

                 Улс төр сонгуулиас шалтгаалдаг юм.
                                                                                                                                           10а анги М

                 Улс төр гэдэг бол ард түмнийг болон нийгмийг зохицуулж байдаг томоохон хүрээг хамарсан юм. 
                                                                                                                                        10а анги Х

                 Улс төр гэдэг нь  нийгэмд болж байгаа олон асуудлыг улс төр гэнэ. Улс төр нь бид бүхний болохгүй байгаа зүйлийг хийж ард түмэнд...
                                                                                                                                          10а анги О.Н

                  Тодорхой эрх мэдлийн төлөөх хүмүүсийн тэмцэл
                                                                                                                                         10а анги Б

                 Улс төр бол олон нийтийн үйл явдал. Улс төр бол тэмцэл хувиарлах бодлого.
                                                                                                                                         10а анги Б.А

                 Улс төр гэдэг нь нийгмийг зохион байгуулж зохицуулж, удирдаж явдаг нийгмийн нэг хэсэг юм. Улс төрд эрх мэдлийг авахын тулд өрсөлдөөн гардаг. Энийг өөрөөр хэлбэл сонгууль гэнэ.
                                                                                                                                           10а анги Б.А

      Улс төр нь зөвхөн миний бодлоор ард түмнийг захирангуй байдлаар авч үзсэн төрийн тэргүүнүүдийг хэлнэ. Учир нь одоогийн төрийн тэргүүнүүд хувь хүн буюу өөрөө өөрийнхөө  эрх ашгийг боддог болсноос би ингэж бичив.
                                                                                                                                            10а анги Ц.А
     Улс төр гэдэг нь аливаа улс орныг зохицуулж, гадаад харилцааг тогтоодог үйл явцыг зохицуулдаг мэдлэгтэй хэсэг бүлэг хүмүүсийн үйл ажиллагаа байх гэж бодож байна. 
                                                                                                                                           10а анги О.Н

            Хувиа хичээгчдийг удирдах шилдэг хувиа хичээгчид.
                                                                                                                                           10а анги М.Б

           Нэг өнцгөөс харвал бид хүлээж байгаа бүхий л зүйл улс төрөөс хамаарч магадгүй гэж зарим хүмүүс боддог. Улс төр албан тушаалтай хүн л бүхнийг чадна гэж.. Улс төр  нь бидний төлөө буюу ард түмнийхээ төлөө байх ёстой гэж боддог.
                                                                                                                                           10а анги Д.Д  

               Тэдний бичсэнийг ямар ч нэмэлт засваргүйгээр орууллаа. Манай улсын 15 настай иргэд улс төрийг ийн харж байна. Зарим тодорхойлолтууд намайг бүр гайхшруулсан. Эцэст нь хэлэхэд тэд энэ тодорхойлолтуудаа ердөө гуравхан минутанд бичсэн.

                                                                                                                       Б.Пүрэвдагва 


7 comments:

  1. санаанд оромгүй хариултууд бас байна шүү.

    ReplyDelete
  2. Miniix bhkuch bx shg...

    ReplyDelete
  3. hehe goy ymaa bayrllaa bagshaa

    ReplyDelete
  4. Olon turliin hariult bna . Daanch sain jishee 1 ch alga , ugaaasaa bhgu l de . M.B

    ReplyDelete
  5. miniiixiig oruulaaguu bnahsd D.D 10a

    ReplyDelete
  6. Улс төр нь реалити шоу /шагнал: эрх мэдэл/ Энд өөрийгөө хэн хэрхэн рекламдсан нь ялах реалити шоу.
    10а анги Э.С
    ingej haragddag ni haramsaltai ch ene hamgiin olon hunii snaal avch magadgui hariult yum shigee..

    ReplyDelete