Saturday, January 29, 2011

Монголын Сагсан бөмбөгийн үндэсний лигийн тэмцээн 2011

        Монголд 90-д оны дунд үед сагсан бөмбөгийн спорт маш хурдацтай хөгжсөн гэдэг. Энэ нь 1994 оноос Монголын Сагсан бөмбөгийн үндэсний лигийн тэмцээн зохион байгуулж эхэлсэнтэй холбоотой. Миний бие Монголын Сагсан бөмбөгийн үндэсний лигийн тэмцээнийг 2006 оноос эхлэн тасралтгүй үзэж мөн монголын сагсан бөмбөгийн тогоонд чанагдаж явсан нэгэн билээ. Урьд урьд жилүүдийн лигийн тэмцээнүүдтэй харьцуулахад жаахан муугаар хэлэхэд  уналтад ороод байсан лигийг 2011 оны буюу 16 дахь удаагийн Монголын Сагсан бөмбөгийн үндэсний лигийн тэмцээн сайжруулах итгэл найдварыг  өвөрлүүлэх сэтгэл төрүүлэхүйц эхэллээ.
       2011.01.28-ны Баасан гарагт Спортын төв ордон. 
             16 дахь удаагийн Монголын Сагсан бөмбөгийн үндэсний лигийн тэмцээн Nissan premiere league нэрийн дор явагдаж байгаа юм байна. Лого нь Спортын төв ордноос 3 өнгө цацарсан улмаар дээд талд нь од эргэлдэж байгаагаар хийжээ. Заавал Спортын төв ордныг оруулсан нь чөлөөт бөхийн холбоо СТО-г авах гээд байсантай холбогдуулсан боловуу гэж бий бодлоо. 
16 дахь удаагийн Монголын Сагсан бөмбөгийн үндэсний лигийн тэмцээний тасалбар

              Өөдлөх айл үүднээсээ гэж үг бий. Тасалбар аван хаалгаар оронгуут Монголын сагсан бөмбөгийн шигшээ багийн зураг бүхий каледарь мөн MBA news сонины эхний дугаарыг тусгайлан бэлдсэн тараах ажилчид өгч байлаа. Календарь дээр бид тамхигүй болохоор амжилт гаргадаг, тасалбар дээр тамхигүй лиг зэрэг үгүүдийн бичсэн байсан. Эдгээр бичгийг уншиад нийгэмдээ бас нэгэн зөв мессежийг өгч буйн илрэл хэмээн миний бие туйлын сэтгэлэн хангалуун хүлээж авав.
               Зааланд ороход том дэлгэц сэлт засан, гэрэлтүүлгийг олноор байрлуулсан урьд жилүүдийхээс огт өөр орчин хүлээж авлаа. Легионер тоглогчдыг ирсэн болоод ч тэрүү заалны суудал дүүрч спортын төв ордон хүнээр хахаж байв. 
Үлээвэр найрал хөгжмийн хамтлаг

               Нээлтийн ажиллагаа NBA-н ах нарыг дуурайсан шоу талдаа болов.
  
Реппер Gee ая дуугаа өргөж байгаа нь
        Нээлтийн үеэр 16 дахь удаагийн Монголын Сагсан бөмбөгийн үндэсний лигийн тэмцээнд оролцох багуудыг танилцуулахдаа урьдаас бэлтгэн авсан багийн тоглогч нарын дүрс бүхий бичлэг төв дэлгэцэн дээр гарч баг тамирчид талбай дээр гарч ирэх нь сүртэй сайхан санагдав.Энэ жилийн тэмцээнд Хасын Хүлгүүд, Аватар, Ирвэс, TLG13, Бридж, Харцага, Сүлд, Шаркс зэрэг багууд оролцох юм. 
      Энэ жилийн лигийн тэмцээний нэг өвөрмөц зүйл нь америк улсын легионерууд болох Аватар багийн Жефри, Лекс, Вилямс нар байлаа. 
Монгол улсын шигшээ баг тамирчид

       Мөн Монголын сагсан бөмбөгийн түүхэнд нэг шат ахисан зүйл нь монголын сагсанбөмбөгийн шигшээ баг Азийн аварга шалгаруулах тэмцээнд амжилттай оролцож 2 орны багийг хожсон амжилт байв.Хэдий зарим нэгэнд нь инээдтэй санагдаж байж магадгүй ч энэ бол монголын сагсанбөмбөг төдийгүй бусад багийн спортод монголчуудад ирээдүй, боломж бий гэдгийг харуулсан томоохон амжилт юм. Үүнийг нь ч үнэлж 2010 оны шилдэг багаар монголын сагсанбөмбөгийн шигшээ багийг шалгаруулж Бөртэ чоно шагналыг өгсөн  байна. Тэмцээний нээлтийн үеэр ч шигшээ багийхандаа баяр хүргэж амжилт хүслээ.
      Ийнхүү 16 дахь удаагийн Монголын Сагсан бөмбөгийн үндэсний лигийнтэмцээн өнгөрсөн жилийн аварга баг болох Хасын Хүлгүүд болон Милл Хаус компаны Аватар багуудын тоглолтоох эхэллээ.
       Миний хувьд 2011 оны 16 дахь удаагийн Монголын Сагсан бөмбөгийн үндэсний лигийн тэмцээний нээлтийн энэ сайн зохион байгуулалт, шинэ уур амьсгалыг Монголын Сагсанбөмбөгийн Холбооны шинэ Ерөнхий Нарийн бичгийн даргатай холбож үзэж байна. Мөн дэмжин ажиллаж байгаа манай пүүс, компаниудад талархал илэрхийлмээр байна.
        Олон жил барилдаж биднийгээ баясгаарай гэж Гарьд магнай кинон дээр хэлдэг шиг, улам ихийг хийж, улам ихийж шинэчилж монголын сагсан бөмбөг сонирхогчид биднийгээ баярлуулаарай.                
                                                                                                                       Б.Пүрэвдагва

Thursday, January 27, 2011

Батлахын хамгаалахын сургууль дахь жанжин Сүхбаатарын хөшөөнд цэцэг өргөж, хүндэтгэл үзүүллээ 2010.01.28

МУ-н Ерөнхий сайд С.Батболд




Төрийн хүндэт харуул

Манай Батлан хамгаалах сонсогчдыг багаас нь бэлддэг болжээ.../Залуу сонсогчдын хамт/

Төрийн сүлд

Sunday, January 16, 2011

90-д оныхон 2

    
               Зах зээл нэвтэрч энд тэндгүй ТҮЦ. 10, 20 төгрөг олдсонч юм юм нүд эрээлжилтэл өрсөн амбаарруу бариад гүйнэдээ. Ер нь ТҮЦ бидний үеийхнийг тоонд яггүй сайн болгосон байх. 100 төгрөгөнд ТҮЦ-нээс адаглаад
1. 5-ын гаа 1 ширхэг
2. 20-н чавга 1 ширхэг
3.10-н шивээстэй бохь нэгийг,
4. чавх хийх резин 1-г 5 төгрөгөөр,
5. 20 төгрөгөнд 1 ширхэг  барбарис,
        гээд нийт 5 нэр төрлийн юм аваад цаана нь 40-өөд төгрөгний хариулт аваад хармаандаа хийчихнэ. Ихэнхи хүүхдүүдийн ах эгч нь ганзаганд явдаг учир сардаа ямар ч байсан нэг удаа Кола, Пепси, Фантаний амтыг мэдрэхтэйгээ. 96, 97 он хүртэл энэ байдал үргэлжилж 98 оноос хойш нийтээрээ байдал арай дээрдсэн байх.
       Урд хөршөөс тоглоом гэдэг янз бүрээр орж ирж боломжтой эцэг эхтэй хүүхдүүд урьд өмнө нь үзэгдэж харагдаагүй хачин сайхан тоглоомоор тоглох болов. Ер нь нийтийн жишигт бол 10 хүртэлх насны 90-д оны охид "чиртаа", "дээс", "резин" тэгээд ер нь бол ээж, эгчийнхээ дууссан косметик, уруулын будаг, пудр, "шампоон"-ны саваар тоглоно. Намайг цэцэрлэгт байхад манай цэцэрлэгийн багш бид нарт гэрээсээ дууссан гоё чамин савнуудыг цэцэрлэгийнхээ тоглоомын "сан"-д хандивлахыг уриалдаг байсныг сайн санаж байна. Харин хөвгүүдийн дунд бол бөглөө эд моданд орж байсан үе. Гудамж метрлэж бөглөө түүж гараа цохин байн нүдэж гардаг байлаа. Тэгээд бие биенээ "хомбож" гарнадаа. Бас бөглөөндөө нэр өгдөг. Надад лав "нисдэг таваг", "тогоот" гэсэн нэртэй сайн бөглөөнүүд байсан. Тухайн үедээ хамгийн үнэтэй 1 ширхэг нь 5с 10 ширхэг жирийн бөглөөнөөс сольдог бөглөө бол Витафит-н цагаан өнгөтэй дээрээ шувуутай бөглөө бас "Каарлзбехг", "Хайникен" зэрэг пивонуудын бөглөө байсан санагдана. Хөвгүүд бөглөөнөөс цаашаа хөгжиж сүүлдээ  "мортал" гэдэг бөөрөнхий кардонан цаасан юмаар тоглодог болов. Нас 7,8 нас шүргэх эргэмд нөгөө мортал дээр байдаг баатаруудаараа "Sega" гэдэг ач буянтай юмны хэрэгээр зурагтан дээрээ зодолдуулдаг болов. Саб Зиироо, Сооний, Жаагс гээд л...Баатар болгон "коомби" хийдэг кодтой бөгөөд тэрийг нь цээжлэхийн тулд "Sega"-гүй мань мэтийн нөхдүүд картонон цаасаар "Sega"-ны гар хийж хиймэл гаран дээрээ" XZZXYZZ дээшээ доошоо Z"  гээд давттагн байлаа. Бодвол найзуудтайгаа хийх тулаанд бэлтгэж байгаа нь тэр байх. Энэ хүүхдүүдийн "дон"-г мэдсэн "зах зээл"-чид байр болгоны подваль, хонгилд "Sega"-ны газруудыг нээж эхлэв...
                                    үргэлжлэл бий...

Tuesday, January 11, 2011

90-д оныхон 1

       
            Үе үеийнхэнд өөр өөрийн онцлог бий.. Ялангуяа 60, 70-д оныхон өөрсдийн үеийн талаар их бичдэг 40 мянгат, Рок музик, Битлз, трапизин өмд, Атаман, Улаан ус,  Нийтийн бүжиг, Пянз гээд л... Харин манай 90-д оныхны хувьд:
    Бидний бага нас 90-д оны ардчиллын шуургатай хамт шуурсан юм. Бид өргөн хэрэглээний бараа хомсдож картны бараанд очерлосон, өлөн зөлмөн, улс орны байдал ороо бусгаа ийм үед төрсөн улс. Хүн болгон юу хийхээ мэдэхгүй, ийш тийшээ ганзагын наймаа хйиж, арчаагүй нэгэн нь архинд орж, хулгай дээрэм хийсэн ийм үе байсан. Нэг хэсэг хүүхэд гэсэн ойлголт бараг л мартагдсандаа. Улсын хэмжээнд төрөлтийн хувь эрс багасч, дээрээс нь бүх юм чөлөөтэй болж үр хөндөлт гэж зүйл газар авсан. Бидний 90-д оныхон ямар азаар энэ бүхний хажуугаар гэтэлгэж төрсийн базарваань ёстой л нэг хүн болох дуртай улс гэвэл манай үеийнхнийг хэлэх байх.
    Одоогийн үеийн хүүхдүүд нэмэлт тэжээл эдр гээд олон юм уух юм мань мэт нь юун тэр манатай бараг 3, 4 сартайд нь бор хоол идүүлээд хар нялх амьтан өмхийгээр баагаад явж байсан биз. 90-д оныхон ихэнхи нь эмээ өвөө дээрээ өссөн байдаг. Эцэг эх нь ажил хийх шаардлагатай, хэрэв үгүй бол хоногийн хоолгүй. Эмээ өвөө дээрээ өснө гэдэг чинь бас жаргал зарим нэг нь хөөрхий 24 цагийн цэцэрлэгт тарчилдаг байсан. Миний нэг сайн таних хүн багадаа 24 цагийн цэцэрлэгт байснаа ярихдаа: "Яг л шорон шиг Даваагаас Баасан болтол бүхий л цагийг цэцэрлэгтээ өнгөрөөнө. Ням гарагт л ээж, аавынхаа барааг хардаг. Даваа гарагийн өглөө цэцэрлэгт очихгүй гэж зөндөө уйлдаг боловч хүүхэд л болсон хойно бохь, модон чихрэнд хууртагдаад өнөөх л шорондоо ирнэ."  гэж дурсаж билээ....

                                                                                                       үргэлжлэл бий...

Tuesday, January 4, 2011

Зүүн Азийн Саудын Араб


           
             АНУ-н нэрт "The Foriegn Policy" сэтгүүлийн энэ сарын дугаарын тэргүүн нийтлэлд Монгол улсыг зүүн Азийн Саудын Араб, бүс нутгийхаа хөгжиж буй өөр ямар ч улстай харьцуулшгүй хурдаар хөгжин дэвжиж байгааг онцолжээ. Уул уурхайд түшиглэсэн их хөгжлийн замналыг тодотгож Монголын нэрийг mine буюу уурхай хэмээх үгтэй сүлсэн байна. 
      
            Дэлхийн хамгийн хүйтэн нийслэл аль хот вэ? Гэдэг асуултын хариулт болж л хааяахан дурьдагддан байсан Улаанбаатар түүхэндээ анх удаа автомашины түгжрэлд боогдох болжээ. Саяхныг хүртэл монгол улсын нийслэл машинаасаа олон адуутай байв. Харин одоо тиймгүй. Монгол нутгийн зэс, нүүрсэнд санаархсан бизнесийнхэний их нүүдэл алтанд шунагчдын цуваанд “хахаж” байсан 1849 оны Сан-Франциског эрхгүй санагдуулна. Лондон, Даллас, Торонтогоос хөрөнгө оруулагч, эдийн засагч, уул уурхайн мэргэжилтнүүдийг тээсэн онгоцны цуваа Улаанбаатарын “бүртийх” ч үүлгүй цэлмэг тэнгэрийг “чимэх” болоод удаж байна. Өдгөө Улаанбаатарын гудамж талбайд боломж, хувьцаа, ашиг зэрэг үгс дуулдах бөгөөд Чингис хааны морьт цэргүүд нүүдэлчдийн тал нутгаас зүүн европ, Вьетнамыг хүртэл дамнасан асар уудам эзэнт гүрнийг байгуулсан 13-р зуунаас хойш монголчууд дэлхий дахины анхаарлыг ингэтлээ их татсан  удаагүй...